Rinibo iti nagprotesta idiay Washington DC tapno kiddawen kenni US President Donald Trump nga isardeng iti panangipatulod kadagiti National Guards nga agpatpatrolya kadagiti kalsada ken kadagiti tourist areas.
Imet dagiti protesters dagiti slogans a nakailanadan ti “Trump must go now,” “Free DC” ken “Resist Tyranny.”
Maipalagip a nangipatulod ni Trump ti National Guards idi napalabas a bulan tapno ipatungpal iti linteg ken ipasigurado iti kinatalged ti publiko, ngem maibasar iti datos ti Justice Department idi 2024, dumanon ti 30-year low iti violent crimes idiay Washington – maysa a ‘self-governing’ federal district nga adda iti sidong ti hurisdiksion ti U.S. Congress.
Gapo ti daytoy ket nangipila ti kaso ni Attorney General Brian Schwalb a manglapped iti deployment, agsipudta unconstitutional daytoy ket linabsing dagiti sumagmamano a federal laws.
Iti laksid dagiti mapaspasamak a panagprotesta, adda dagiti umili a silulukat kadagiti National Guard a maipatulod kadagiti lugar nga ado ti mapaspasamak a krimen.
