Limmawa pay dagiti protesta idiay Minneapolis ita a ngudo ti lawas, bayat a kumarkaro iti tension iti nagbaetan dagiti agprotprotesta ken otoridad kasaruno dagiti sumagmamano nga insidente ti kinaranggas.
Idi Mierkoles (lokal nga oras), maysa federal law enforcement officer iti nakapaltog iti maysa a lalaki a maipagarup a timmakas manipud iti maysa a traffic stop ket maipagarup a rinautna iti opisial a kadua dagiti dua pay nga indibidual.
Idi Sabado, maysa a lalaki iti napapatay iti maysa nga engkwentro kadagiti federal agents, a nangnayon iti panagpungtot ti publiko.
Naammuan nga iti insidente ket kasaruno iti pannakatay ni Renee Good, maysa nga ina ken pintay dagiti miembro ti U.S. Immigration and Customs Enforcement (ICE) idi Enero 7.
Kinondenar met ni Minneapolis Mayor Jacob Frey ni U.S. President Donald Trump ken ti administrasionna iti panangtamingda iti sitwasion.
Kinuna ni Frey, mano pay nga umili ken mano pay nga Amerikano iti masapul a matay wenno nakaro a madangran sakbay nga agpatingga iti operasion ti ICE.
Inakusaran met ni Frey ni U.S. Vice President JD Vance, a simmarungkar iti siudad, gapu iti saanna a panangaramid ti wagas tapno lumag-an iti tension.
Nupay agtultuloy dagiti protesta, dinakamat ti mayor a dagiti 15,000 a demonstrador idi Biernes ket nagtalinaed a natalna, awan ti report dagiti bandalismo wenno kinaranggas, a kumonkontra iti naulpit nga addang dagiti federal agents.
Kabayatanna, inbinglay ni Minneapolis Police Chief Brian O’Hara iti kanayonan a detalye maipapan iti insidente ti pammaltog idi kalman. Nabigbig iti biktima nga agtawen ti 37, white, ken residente ti lugar nga awanan ti criminal record, malaksid kadagiti sumagmamano a traffic tickets.
Pinasingkedan dagiti otoridad nga addaan ti permiso iti lalaki nga agikot ti paltog ken maibasar iti linteg ti Minnesota, maipalubos iti open carry of handgun no addaan ti permit.
Segun ti Department of Homeland Security (DHS), maipagarup nga inasitgan ti biktima dagiti U.S. Border Patrol officers usar ti 9mm semi-automatic handgun.
Naipadamag a ginandat dagiti opisial a disarmaan iti suspek, ngem naranggas daytoy a limmaban isu a nagbanag ti pammaltog.###
