BR LA UNION – Inpaganetget ti Chairman Emeritus ti Alyansa ng Bantay sa Kapayapaan at Demokrasya (ABKD) a ni Dr. Jose Goitia a nasken nga adda ebidensiya ni sigud nga Ako Bicol Rep. Zaldy Co maipapan ti inruar na a ‘revelation video’.
Mamati ni Goitia a kasapolan nga adda maipakita ni Co a pammaneknek seknan ti panangiraman na kada President Ferdinand Marcos Jr. ken sigud nga House Speaker Martin Romualdez iti isyu ti korapsyon.
Iti maikadua a video nga inruar ni Zaldy Co, patienna nga arimbangaw wenno ‘theatrics’ laeng daytoy, isunga impalagip ni Dr. Goitia a saan nga ebidensiya daytoy a kita ti sao nudiket maibilang a ‘drama’.
Impaganetget na pay a kurang ti ‘video’ a rumbeng ket nasken a mapakuyogan iti dokumento a beripikado tapno nakapap-papati.
Iti nairuar a ‘part two’ ti ‘revelation video’ ni Co, imbaga na iti panag-deliver dagiti maleta a kuwarta a maipagarop a naipatulod kada Presidente Marcos ken sigud a House Speaker Romualdez.
Ngem immunan nga imbaga ti Department of Justice a saan a makaapektar ti alegasyon wenno statement ni Zaldy Co iti imbestigasyon agingga a saan a maisubmitir daytoy iti departamento.
Gapuna, impaganetget ni Dr. Gotia a no pudno ti alegasyon ni Co, idatagna daytoy iti pagilian.
