LA UNION – Inlawlawag ni sigud a presidential spokesperson nga awan pay iti naaw-awat na a Warrant of Arrest manipud kongreso.
Iti social media account ket imbaga na a sipud idi rabii ti Biyernes agingga agsapa ti Sabado idi kalman ket awan iti naaw-awat ti opisina na a warrant of arrest.
Maisupadi daytoy iti nagbalin a waragawag ni House Secretary General Reginald Velasco, a maipagarop a saan nga inawat ti staff ni Roque iti arrest order.
Immunan nga imbaga ni Velasco nga inserbi ti House sergeant at arms iti arrest order iti law office ni Roque idiay Makati City ngem maipagarop a saan da nga inawat.
Nakasagana dagiti kameng ti National Capital Region Police Office para iti implementasyon ti warrant.
Im-imbestigaran ti Kamara ni Roque gapu iti maipagarop a koneksyon na iti operasyon ti Phil. Offshore Gaming Operators wenno POGO ditoy pagilian.
