Pinagkedkedan ni Vice President Sara Duterte nga isuna ti rason ti tensyon ti agdama a politika ti Pilipinas.
Daitoy ti kinuna ti Bise Presidente kasaruno ti waragwag ni Representative Jay Khonghun a saan kuma a mapasamak iti kinagulo ita ti politika ditoy pagilian nu saan a nasapa nga inarapaap ti Bise nga agbalin a Presidente.
Insungbat met ni Duterte, ti kina-Presidente idi tawen 2022 ket bagi na met a talaga.
Segun kenkuana, nangabak met isuna kadagiti surveys ken nagmaymaysa dagiti tao para iti kandidatura na.
Sakbay iti daitoy ket immunan a nangipila ni Duterte iti kandidatura na kas Mayor ti Davao City.
Kamaudiananna ket nagbaliw ti panunot na ken nadesisyonan na a kumandidato para iti Uniteam kadwa ni itan ket Presidente Ferdinand Marcos Jr.
Kabayatanna, nagkedked met ni Duterte nga agkomento iti waragwag ni Marcos a saan isuna a pabor iti aniaman a panagpadas nga a-impeach ti Bise gapo ta saan met nga agbenepisyar ti biag dagiti Pilipino apaman agpayso nga daitoy ket mapasamak.
Kasta met a nagkedked ti Bise nga agkomento iti waragawag ni Presidente Marcos a makitinnunos kenkuana.
