Agtultuloy ti panagdanag ni Education Secretary Sonny Angara iti agsasaruno a pannakasuspende ti face-to-face class gapu iti bagyo.
Segun kenni Angara, maseknanda kadagiti estudiante a maapektaran iti nadakamat a suspension, kinunana nga umabot iti 20 ti maaramid a make up classes kadagiti pagadalan.
Iti sabali a bangir, imbati ni Angara ti desision kadagiti prinsipal dagiti pagadalan no mangangayda iti make up classes iti tunggal Sabado.
Kalpasan gamin iti panagduprak ti Bagyong ‘Kristine’, adda manen ti umay a baro a bagyo a mabalin a perdi iti pagilian segun iti state weather bureau.
Kabayatanna, nairekord ti DepEd ti 11 a teaching ken maysa a non-teaching employee ti nasao a pagadalan ti natay gapu iti panagreggaay ti daga, pannakalmes, ken pannakakuryente bayat ti kangitingitan ti Severe Tropical Storm ‘Kristine’.
