Impasigurado ti Department of Budget and Management (DBM) nga agtultuloy ti panangipangpangrunada iti sektor ti edukasion.
Segun kenni Budget Secretary Amenah Pangandaman, prioridad latta ti edukasion iti pannakailatang ti pondo a paset ti itantandudo ti Bagong Pilipinas.
Kinunana a patien ti DBM a ti edukasion ti armas ti adu a Pilipino tapno malabanan ti kinapanglaw ken mapadur-as ti Pilipinas.
Iti daytoy a tawen, ti Edukasion ket nakaawat ti kadakkelan a bingay ti pondo nga addaan iti ₱983.5-B, nu sadino dandani ₱133-B ket naituding para kadagiti Unibersidad ken Kolehio ti Estado.
Umunan a kinuna ti dadduma a grupo dagiti mannursuro a namnamaenda nga itandudo ti baro a liderato ti Department of Education a tungpalen ti departamento ti United Nation standards kadagiti panangilatang iti budget iti edukasion a katupag ti innem a porsiento iti gross domestic product ti pagilian.
