Pinalubosanen ti Sandiganbayan 5th Division ni Senador Jinggoy Estrada a temporario a rumuar iti New Quezon City Jail inton Agosto 26, tapno agpa-X-ray kadagiti tumeng na iti maysa a pribado nga ospital.
Nakailanad iti resolusyon ti korte ket napalubosan ni Estrada a rumuar manipud alas-onse ti bigat agingga alas-tres iti malem ken kasapulan a kadwaen dagiti security escorts.
Sungbatan met iti senador dagiti amin a gastos iti ospital, medical fees, transportasyon, ken dadduma pay a mainaig a babayadan.
Immunan a pinasingkedan iti legal counsel na nga adda iti osteoarthritis ti nagsinnumbangir a tumeng ni Estrada.
Agdama a nakadetene iti senador gapo iti kaso a plunder ken graft mainaig kadagiti korap a flood control projects.
