Kinuna ni Senador Jinggoy Estrada kadagiti mammanday-linteg nga isubli da lattan iti Office of the Vice President (OVP) ti naisingasing a P2 billion a budget para iti 2025 tapno nasayaat ti panagandar daytoy.
Daytoy ket kalpasan a naitantan ti OVP 2025 budget deliberation ket segun kenni Estrada, kasano a nasayaat ti panagandar ti OVP no maputed ti pondona?
Kinunana, ni Bise Presidente Sara Duterte ti nakatugaw ti maikadua a kangatuan a puesto ditoy Pilipinas isu nga umno laeng a maikkan isuna iti respeto ken dignidad.
Impetteng met ni House Committee on Appropriations Senior Vice Chairperson ken Marikina Representative Stella Quimbo a ti rason ti pannakakissay ti budget para iti 2025 ket gapu iti kinakurang ti impormasion maipapan iti daitoy a singasing.
Kabayatanna, nakadepende pay laeng iti plenario ti kasta a diskusion maipapan iti budget ti OVP.
