Sangsanguen ni Senador Joel Villanueva iti Department of Justice ti tallo a reklamo mainaig kadagiti maanomalya a flood control projects idiay Bulacan karaman ti Balagtas ken Pandi.
Naisayangkat idi kalman ti preliminary investigation iti maysa a kaso a malversation nga adda pakainaiganna iti proyekto ti Wawao Builders ken Topnotch.
Segun kenni DOJ Spokesperson Atty. Polo Martinez, sabali pay daytoy iti reklamo a pinilaan na ti counter affidavit idi Enero 5.
Nagkiddaw ti Villanueva ti kanayunan a panawen tapno agsubmitir ti counter affidavit iti maysa pay a malversation a sangsanguenna.
Inlawlawag ni Martinez a nupay ado dagiti nakapila a reklamo iti ahensia nga adda pakainaiganna kadagiti maanomalya a proyekto ket saan nga aggigiddan iti imbestigasion ken panangiruar ti resolusion.###
