LA UNION – Nag-adjourn idi kalman, Disyembre 18, iti Senado para iti holiday season ket agsublida iti trabaho inton Enero 13, 2025.
Sakbay iti Christmas break, impasa ti Senado ti sumagmamano a gakat nga addaan tarigagay a mangpasayaat ti kasasaad ti panagpuonan ditoy pagilian, mangpaganaygay ken mangpadur-as ti ekonomiya, agpartuat ti adu a trabaho, ken protektaran dagiti seascape ken landscape ti pagilian.
Inaprubaran ti Senado idi Lunes, iti maikatlo ken maudi a panagbasa, ti sumagmamano nga addang a lalo pay a mangpasayaat iti industriya ti turismo ken ekonomiya ti pagilian.
Kabilang dagiti naipasa a gakat ket iti Senate Bill (SB) 2898, a pinutar ni Senate President Francis “Chiz” G. Escudero, wenno An Act Liberalizing the Lease of Private Lands by Foreign Investors, tapno pawaywayan iti limitasyon a panagabang ti daga dagiti gangannaet nga investors iti 99 a tawen manipud iti 75 a tawen tapno maka-allokoy iti adu a foreign investors.
