Nakasagana ni Senador Lito Lapid nga agikkat kas senador apaman mapaneknekan a karaman isuna iti operasion ti illegal a Philippine Offshore Gaming Operator (POGO) iti probinsiana idiay Pampanga.
Daytoy ket kalpasan a naakusaran a kukuana ti 10 nga ektaria a daga a nakaisaadan ti 42 a pasdek ti Lucky South 99 Outsourcing Incorporated iti Porac.
Pinaregtana pay dagiti padana a senador nga ituloyda ti pannakaipalgak dagiti krimen a pakainaigan ti Philippine Offshore Gaming Operators.
Nakidanggay kenkuana ni Porac Mayor Jaime Capil ket patienna nga awan ti pakainaigan ti senador iti illegal nga operasion ti POGO.
