Mangrugi inton Hunio 16, 2025 iti serrek dagiti estudiante kadagiti pampubliko a pagadalan ditoy pagilian, segun iti Department of Education.
Iti panangrugi ti klase ket pagilasinan ti panagsubli iti pre-pandemic school calendar, kas nakailanad iti Deped Order No. 12, Series of 2025.
Agbayag iti school year 2025-2026 agingana Marso 31, 2026 a buklen ti 197 days of classes, karaman iti End-of-School-Year (EOSY) rites.
Segun iti departamento, mabalin a mabaliwan iti daitoy a bilang maibasar kadagiti saan a namnamaen nga pasamak ken dagiti direktiba iti masanguanan.
Kabayatanna, segun met kenni Senate Committee on Basic Education Chairman Senador Sherwin Gatchalian, iti panagtultuloy ti klase inton Hunio ket makatulong nga maisubli iti normal iti ritna dagiti estudyante ken mannursuro kalpasan iti Covid-19 pandemic.
Makatulong met daytoy kadagiti estudiante ken mannursuro a mangliklik iti nakaro a pudot.
Segun iti senador, saan a nagbalin nga nalaka iti proseso tapno maisubli ti pannakalukat ti klase iti bulan ti Hunio, ngem naaramid daitoy.#
