Nabilin a mangisubmitir ita nga aldaw ti written report iti Senado dagiti siam a kameng ti National Bureau of Investigation (NBI) a karaman iti gandat a panangarestar kenni Senador Ronald “Bato” dela Rosa.
Na-cite in contempt dagiti agents kalpasan a kinamatda iti senador iti uneg ti pasdek ti Senado tapno kuma maiserbi iti arrest warrant a maipagarup nga impaulog ti International Criminal Court (ICC).
Segun kenni NBI Director Atty. Melvin Matibag, maipasidong iti imbestigasyon dagiti personnel a nairaman iti nasao nga insidente.
Maibasar iti preliminary report, nasugatan ti ramay ni Dela Rosa kalpasan a naigalis iti agdan kabayatan ti riribuk.
Mainaig daytoy iti mapapati a warrant ti ICC kontra iti senador gapu iti mapapati nga akemna iti war on drugs. Nupay kasta, linapdan ti Senado iti panagaresto maibasar iti immuna a resolusion daytoy kontra iti extradition aginggana saan a maibos dagiti amin a legal remedies iti pagilian.###
