Pinadayawan ti 3rd Infantry Division (3ID) ni Eduardo Linogon Junior, maysa a sigud a miembro ti New People’s Army (NPA), kas Outstanding Citizens Armed Forces Geographical Unit (CAFGU) Active Auxiliary (CAA) of the Year gapo iti kinabannuar na kas paset ti 79th Infantry Battalion sadiay Sagay City.
Ti 33-anyos a ni Linogon ket sigud a kameng ti NPA a nagsurrender idi tawen 2023 ken ita ket nadutokanen sadiay Barangay Caduhaan, Cadiz City kas CAFGU Active Auxiliary.
Nagbalin a napateg isuna kadagiti operasyon kontra kadagiti nabatbati pay a salot nga NPA sadiay Escalante City idi Pebrero 2024, nu sadino ket uray nadundunor ket timmulong isuna para ti neutralisasyon dagiti tallo a rebelde ken pannakarekobre kadagiti 20 nga armas.
Inawat na ti pammadayaw manipud kenni Major General Michael Samson ng 3rd Infantry Division kasaruno ti seremonya sadiay Camp Peralta, Jamindan, Capiz idi Abril 21.
Segun iti 79th Infantry Battalion, ti kapadasan ken sirib ni Linogon iti puwersa ket dakkel a tulong kadagiti operasyon ti militar. Si Linogon ket nagbalin a maikadua a CAFGU manipud ti batalyon a naikkan ti nasao a pammadayaw.
