BR LA UNION – Pormal a dinutukan ni President Ferdinand Marcos Jr. ni sigud a Tourism Sec. Christina Garcia Frasco kas Presidential Adviser for Sustainable and Resilient Communities, kalpasan ti sumagmamano a lawas nga ispekulasyon seknan iti panaglosolos na kas sekretaryo ti Department of Tourism.
Segun iti Malacañang, binilin ti Presidente ni Frasco nga idaulwan ti pannakapapigsa ti implementasyon ken sustained realization dagiti priority national programs iti community level, partikular kadagiti lugar a nalaka a maapektaran ti kalamidad ken climate-related risks.
Kabayatanna, ni met DOT Undersecretary Verna Buensuceso iti nadutukan nga officer-in-charge ti Department of Tourism tapno masigurado ti agtultuloy nga operasyon ti ahensya.
Ti appointment ni Frasco ket iti tengnga ti kritisismo a naawatna maipapan iti maipagarup a “self-promotion” kadagiti tourism materials ti gobierno, banag a nainget nga inlibakna.
Iti laksid ti kontrobersiya, agtaltalinaed a nangato ti panagtalek ti Presidente iti kabaelanna, a nangiturong kenkuana iti nalawlawa nga akem a naipamaysa iti panangpapigsa kadagiti komunidad.
