BR LA UNION – Pinasingkedan ni Interior and Local Government Secretary Jonvic Remulla a natay idi nakita ti tao ti PNP-Anti Kidnapping Group ti driver ti ubing a biktima ti kidnapping idi Pebrero 20, 2025.
Kinuna ni Remulla a maibasar ti sophisticated surveillance equipment nga imet ti PNP AKG ket nabigbig da ti lugan sadiay San Rafael, Bulacan a nakakitaan da ti bangkay ti driver.
Nadiskubre iti nasao a lugan dagiti ebidensiya nga inusar dagiti otoridad tapno mabirukan dagiti sindikato karaman ti biktima sadiay Paranaque city.
Mamati ni Remulla a saanen a nabaelan nga alaen dagiti suspek dagiti inusar da ti kidnapping operation agsipudta asideg kadakuadan dagiti otoridad.
Gapo iti dayta ket imbati da amin nga arawaten da agraman ti bangkay ti driver.
Kinuna pay ni Remulla a manipud idi maamuan ti lokasyon dagiti suspek babaen ti follow-up operations, nataranta dagitoyen ket nagtungpal lattan nga awan ti ransom.
Kabayatanna, nakita lattan ti ubing a nakatakder iti tengnga ti kalsada a nakatali ti ima na, a pammaneknek iti damo nga video nga impakita dagiti nagannak na, a pinutedan da daytoy iti kikit iti ramay.
Indepensa met ni Remulla nga inuna da ti ubing ngem dagiti suspek isu a nakalibas dagiti sindikato.
Naala dagiti pulis ti ubing a nangipakita met ti kinatured na gaputa saan a nagsangit daytoy.
Impasiguro ni Remulla a saan a ditoy nga agleppas ti operasyon nu di ket agtultuloy ti hot pursuit operation para kadagiti suspek.
Naamwan metten ti PNP dagiti adda iti likod ti krimen, a Chinese nationals a sigud nga agop-operate ti POGO.
