LA UNION – Naitandudo a ‘The Voice USA’ Season 26 winner ni Sofronio Vasquez, a tubo ti Mindanao, gapu iti impamatmat na a laing iti electric performance nga “Unstoppable” a kanta ni Sia .
Nangaramid ti pakasaritaan iti singer kalpasan a nangabak kas kaunaan nga Asian a nangabak iti sikat nga American talent show a ‘The Voice USA’.
Napabilang iti 32-anyos a singer iti Team Bublé kalpasan a nakagun-od iti kaadwan a botos manipud kadagiti American audience.
Gaputi panangabak na, inyawid ni Vasquez ti $100,000 a premyo ken P5.8 million a recording contract .
Daytoy met ti umuna a gundaway iti sidong ni coach Michael Bublé a nangabak ti naipasidong kenkuana a singer kagiddan ti debut season na.
Agsubli ni Bublé kas coach para iti ‘The Voice’ Season 27.
Naamwan a ni Sofronio Vasquez ket immuna a simmalip iti ‘Tawag ng Tanghalan’ idi 2019 ditoy Pilipinas ken immabot iti semifinal kas third place.
