BR LA UNION – Awan ti makita a rason ni Department of Justice Secretary Fredderick Vida tapno patawan ti ‘suspensyon’ iti direktor ti National Bureau of Investigation a ni Atty. Melvin Matibag.
Ii panagsalodsod ti Bombo Radyo iti sekretaryo, aminado a saan nga ikonsidera ti ahensiya nga aramiden wenno mang-isyu ti pammilin iti opisyal.
Kasaruno ti waragawag idi immapela ni Senate President Alan Peter Cayetano a suspendiren ni Dir. Matibag kalpasan nang-isyu ti Office of the Ombudsman ti ‘preventive suspension’ ni Acting Senate Sergeant-at-arms Mao Aplasca.
Inlawlawag na a saan a sakopen ti bileg ti ahensya a patawan ti suspensyon iti direktor ti National Bureau of Investigation seknan iti napasamak a pinnutok ti paltog idiay Senado.
Ni Acting Senate Sergeant-at-arms Mao Aplasca ket sinuspinde ti Ombdusman ti innem a bulan tapno ipaayan gundaway ti imbestigasyon iti napasamak nga insidente idiay Senado.
Maipapan iti suspensyon nga inisyu ni Ombudsman Jesus Crispin ‘Boying’ Remulla, mamati ti abogado a ni Atty. Israelito Torreon a saan a sakop ti bileg na a suspendiren ni Aplasca.
Impaganetget ti abogado a biddut daytoy agsipudta iti Sergeant-at-arms, maibasar iti allagaden ti senado ket maibilang kas maysa nga ‘elective officer’ ken saan a basta ‘appointed officer’.
