LA UNION – Kinarit ni President Ferdinand Marcos Jr. iti baro a sekretaryo ti Department of Education, Edgardo ‘Sonny’ Angara, nga ibangon ken ital-o iti kalidad ti edukasyon ditoy pagilian iti kabiitan a panawen.
Inaramid ti Presidente iti waragawag kabayatan ti panagbetla na iti maikatlo nga State of the Nation Address idiay Batasan Pambansa Complex.
Sinabi ni Pangulong Marcos: “Ito ngayon ang magiging hamon sa ating bagong kalihim: na tiyakin ang pagbangon at pagtaas ng kalidad ng edukasyon sa bansa, sa lalong madaling panahon.”
Kinuna ti Presidente, awan ti rumbeng a makasinga iti panangipatungpal ti National Learning Recovery Program, tapno saan a mabati dagiti agad-adal ken aramiden dagitoy a competitive iti dadduma a pagilian.
Dagiti mangisursuro kunana ket saan laeng a ‘perfunctory figures’ iti pagadalan, isuda iti makunkuna a pundasyon wenno adigi iti educational system.
Innayon pay ti Presidente a maipaay ti maiparbeng a benipisyo ken insentibo kadagiti mangisursuro ken siniguro na nga awan ti ag-retiro a Teacher 1 laeng.
