BR LA UNION – Kinumpirma ni Deputy Speaker Jay Khonghun, a nagsaritan da Speaker Martin Romualdez ken incoming speaker Faustino Bogie Dy kalpasan ti anunsiyo nga aglosolos iti posisyon na ni Romualdez.
Iti maysa nga interview, imbaga ni Khonghun a naannayas ti amin ken high spirit latta ni Speaker Romualdez a nakitaripnong kadagiti party leaders.
Imbaga ni Khonghun nga awan pay met ti anunsiyo nga adda rigodon kadagiti deputy speakers ken committee chairman.
Iti napateg kunana ket adda stability iti liderato ti Kamara.
Nakatutok ita ti kamara iti budget briefing para iti fiscal year 2026.
Impaganetget ni Khonghun a suportado ni Speaker Romualdez ni Rep. Bogie Dy agsipudta aggayyem dagitoy.
Imbaga pay ni Khonghun ti makagapo nu apay a ni Rep. Bogie Dy iti napili – dayta ket gaputi kapadasanna.
Ita a naglosolos iti posisyon ni Speaker Romualdez, maipamaysa na metten dagiti alegasyon kontra kenkuana.
