Natay dagiti uppat nga indibidual bayat a lima dagiti nasugatan kalpasan ti panagdinnungpar ti jeep ken dump truck idiay Luna, Isabela.
Sakay ti pampasahero a jeep dagiti 11 nga indibidual ket nakaro ti pannakadadael na gapo iti kinapigsa ti impact.
Maibasar iti inisial nga imbestigasion, maipagarup a napartak iti pataray ti jeep idi naidungpar daytoy iti agsikko a dump truck.
Maipagarup a naawanan met ti kontrol iti dumptruck gapo ti nabasa a kalsada isu a naidungpar iti kasabatna a jeep.
Binilinen ti Land Transportation Franchising and Regulatory Board (LTFRB) iti regional office-da idiay Cagayan Valley a mangipaay ti tulong kadagiti biktima ken mangisayangkat ti imbestigasion.###
