BR LA UNION – Posible a peke iti special protocol plate no. 8 a nakakabit iti sports utility vehicle (SUV) a nagluganan ti maysa a lalaki a nagpangta a paltuganna ti nakariri na iti kalsada.
Daytoy iti nagbalin a waragawag ni House Secretary-General Reginald “Reggie” Velasco.
Kinuna ni Velasco a nainget a kondinaren ti Kamara de Representantes iti biddut a panagusar ti special protocol plate number “8” ti akinkukua wenno driver ti nasao nga SUV.
Inallokoy ni Velasco dagiti otoridad a dagus a mangisayangkat ti imbestigasyon ken pasungbaten dagiti indibidwal nga adda iti video.
Inlawlawag ni Velasco a ti special protocol plate “8” ket eksklusibo a maipa-usar laeng kadagiti agdama a miyembro ti Kamara.
Inallokoy pay ni Velasco iti publiko nga agbantay ken i-report dagiti kapada nga insidente.
Segun kenni Velasco, saan pay a nangiruar ti special “8” plates iti Kamara ita a 19th Congress.
