LA UNION – Nagballaag ni SSS Branch Head Francisco Pentecostes kadagiti Survivor pensioners ken Total disability pensioners a masuspinde iti aw-awaten dagitoy a pension nu mapaay da nga ag-report iti opisina, agingga iti na-extend a deadline a June 30,2022.
Naamwan ti Bombo Radyo a manipud iti compliance deadline iti Annual Confirmation of Pensioners’ Program (ACOP) a March 31, 2022, ket napaway-wayan daytoy agingga June 30, 2022.
Segun kenni Pentecostes, a nairanta iti extension tapno maikkan pay ti gundaway dagiti nasao a pensioners, a makapag-report iti opisina ti SSS ken maliklikan ti suspension iti monthly pension dagitoy.
Malaksid dayta, ranta pay iti nasao nga addang tapno maamwan ken masiguro ti SSS a sibibiag pay dagiti nasao a pensioners.
