BR LA UNION – Inarestar dagiti otoridad iti maipagarop nga street level drug pusher iti insayangkat da a buy bust operation idi Biyernes Santo, Abril 18, idiay Barangay Sevilla, City of San Fernando, La Union.
Binigbig ni PCol Redentor Ulsano, acting director iti La Union Police Provincial Office, iti suspek a 37-anyos a lalaki, awanan asawa, awanan trabaho, ken residente ti Barangay Carlatan ditoy siyudad.
Nakumpiskar manipud suspek iti 17 sachets ti maatap a shabu, agdagsen ti nasurok-kumurang a 20 grams, mapatta-patta nga agbalor ti P136,000 ken sumagmamano a pidaso ti non-drug evidence.
Segun kenni Col. Ulsano, naarestar ti suspek kalpasan a linakwanna iti police officer a nagpammarang a poseur buyer.
Iti suspek ket sumangsango ita ti kaso a panaglabsing iti RA 9165 wenno Comprehensive Dangerous Drugs Act of 2002.
