LA UNION – Inarestar dagiti otoridad iti maysa nga Street Level Individual gaputi maipagarop a panag-probokar na iti maysa a resto bar idiay Barangay Bulala, Bacnotan, La Union.
Nabigbig ti suspek iti nagan a Julius Jañola Constantino, 28-anyos, baro, awanan ti trabaho, tubo ti Brgy Salvacion, Murcia, Bacolod City ken agnanaed itan ti Brgy. Salincob, Bacnotan, La Union.
Dagus a timmaray ti suspek a nagturong iti comfort room ti bar ken ginandat na nga i-flush dagiti maipagarop nga imet na a kontrabando, a pakaibilangan ti lighter ken maipagarop a shabu.
Iti panang-rekisar dagiti nagresponde a pulis iti suspek, nakumpiskar kenkuana iti 0.0735 grams ti maipagarop a shabu ken 4.16 grams ti maatap a marijuana, a mapatta-patta nga agbalor amin ti P1,000.
Kinumpiskar pay dagiti otoridad iti naduma-duma a drug paraphernalia.
Gaputi dayta, iti suspek ket sumangsango iti kaso a panaglabsing iti Alarm and Scandal ken Violation iti RA 9165 wenno Comprehensive Dangerous Drugs Act of 2002.
