BR LA UNION – Inarestar iti nagtipon a puwersa dagiti otoridad nga indaulwan ti San Fernando City Police Station, iti maysa a maipagarop a drug pusher a mai-kategorya kas Street Level Individual.
Naisayangkat ti buy bust operation iti Barangay Catbangen, San Fernando City, La Union agarop alas 9:00 ti rabii idi Miyerkoles, Enero 29, 2025.
Maibasar iti report ti pulisiya, ti suspek ket agtawen ti 37, residente ti Barangay Pias ditoy siyudad.
Nakumpiskar manipud iti ikot na ti 0.5 grams ti maipagarop a shabu, mapatta-patta nga agbalor ti P3,400.00, ken dadduma pay a non-drug-related items a pakaibilangan ti motorsiklo, mobile phone, ken marked money.
Iti suspek ket naipasidong iti kustodiya ti City of San Fernando Police Station ken sumango ti kaso a panaglabsing iti Comprehensive Dangerous Drugs Act of 2002 wenno Republic Act 9165.
