Sumagmamano a deboto ti nasapa a napan iti Basilika Menor ken National Shrine of Jesus Nazarene sadiay Quiapo, Manila.
Daytoy ket para iti bendision ti replika ti Poong Jesus Nazareno a naaramid itay alas 1:30 ti malem.
Dadduma kadakuada ti naglikmut iti Quiapo idi rabii espesipiko iti Carriedo ken Carlos Palanca Street tapno agsagana iti kastoy nga aktibidad.
Makuna a daytoy ket maysa metten a wagas tapno maliklikan ti pannakaipit kadagiti posible a traffic jam, nangruna ta adda dagiti tattao a sigud a mapan agtrabaho ken ageskuela.
Kaaduan kadagitoy ket naggapu iti nagduduma a siudad ken kabangibang a probinsia kakadua dagiti kakabagianda ken gagayyem nga agpada a deboto.
Tapno naannayas ti proseso, immalalay kadakuada dagiti kameng ti Hijos del Nazareno bayat a nainget ti panagbantay dagiti personnel ti Manila Police District (MPD).
