LA UNION – Imbutaktak ti sumagmamano nga executive ti Philippine Offshore Gaming Operators (POGO) iti maipagarop a panang-pasoksok kadakuada ni Alice Guo tapno saan nga agsarita.
Maibasar iti testimonya ti maysa nga alyas Alex a maipagarop a nagserbi a treasurer ti Zun Yuan Technology, immuna nga immasideg kadakuada ti kampo ni Guo idi 2023 ket nai-diaya kadakuada ti P20,000 kada bulan.
Kasukat daytoy iti pannaka-usar ti nagan da kas incorporator ti maysa a POGO Company.
Kadwa ni Alyas Alex a maipagarop a nadiaya-an ket iti corporate secretary ti Zun Yuan.
Immannugot met dagitoy agingga a naraut iti POGO a naka-usaran ti nagan da, isunga pinaayaban dagitoy ti National Bureau of Investigation, Kamara de Representantes, ken Senado.
Nupay kasta, inasetgan ida ti maysa nga staff ni Guo a nabigbig iti nagan a Jeremy Santos ken inikkanna dagutoy ti sag – P500,000.
Maipagarop nga inallokoy ti kampo ni Guo dagiti dua nga agsukat ti address, saan nga agsarita wenno agibaga ti anyaman ken sangwen dagiti kaso.
Dagiti dua a POGO executive ket immunan a simmuko ita a lawas iti National Bureau of Investigation.
