LA UNION – Posible a makapadas iti napigsa a panagtudo iti naduma-duma a paset ti Luzon inton bigat.
Maibasar daytoy iti monitoring dagiti member agencies ti National Disaster Risk Reduction Management Council(NDRRMC).
Segun iti konseho, mabalin a makapadas ti moderate to heavy rainfall inton bigat Aug 29, iti probinsya ti Pangasinan, Bataan, Zambales, Northern portion ti Palawan ken Occidental Mindoro.
Gaputi dayta, binalakadan ti konseho dagiti residente iti nasao a lugar nga agannad ken agridam iti sitwasyon.
Binalakadan pay ti konseho iti publiko nga imonitor dagiti pa-abiso ti lokal a gobyerno ken dadduma pay ahensya ti gobyerno a nakatutok iti disaster mitigation.
Idiay National Capital Region, banbantayan ti konseho dagiti lugar a masansan a malayos kas idiay Caloocan City, QC, Caloocan, Malabon, Navotas, San Juan, ken Manila.
Ita nga aldaw, nalayos iti sumagmamano a paset ti Metro Manila ket nasurok 30 a pamilya idiay Valenzuela City ti naiyakar iti evacuation center.
