Nangipila ti reklamo iti Office of the Ombudsman kontra iti sumagmamano a nangato nga opisyal ti Department of Health (DOH).
Daytoy ket gapu ti anomalia iti panaggatang kadagiti mobile primary care facilities nga aggatad ti ₱1.8 billion.
Iti siam a panid a reklamo dagiti maseknan nga empleado ti DOH, nagreklamoda kontra kenni Secretary Teodoro Herbosa; ni Undersecretary Glen Matthew Baggao ti mangidadaulo iti Health Facilities Enhancement Program; Brigida Romualdez-Aquino ti head executive assistant to the secreatary of health; ken ni Allan Tope iti executive assistant VI to the secretary.
Kiniddawda iti Ombudsman nga imbestigaranna dagiti nadakamat nga indibidual para iti posible a graft ken laundering ti New Government Procurement Act and its implementing rules and regulations (IRR) gapu ti iregularidad iti panaggatang ti MPCF.
Nagapanawaganda ti preventive suspension kadagiti opisial tapno saan a maapektaran ti imbestigasion.
Kaaduan kadagiti naiwaras a unit iti paset ti Mindanao ket depektibo isu a nalawag nga adda anomalia iti panaggatang.###
