Nagbalin nga inspirasyon ni Adrian Pascua iti suporta dagiti kakabagyan na manipud Barangay Rimos 4 Luna, La Union tapno maipasa na ti Board Exam.
Maysa ni Pascua kadagiti rinibo a nakapasa ti August 2023 Criminologist Licensure Examination.
Nagturpos ti kurso a BS Criminology ni Pascua idiay St. John Bosco College of Northern Luzon Batch of 2022.
Pinadas na ti nangala ti Board Exam idi 2020 ngem napaay daytoy a maipasa.
Haan a naawanan ti namnama inulit na ti nangala iti Board Exam idi Bulan ti Abril 2022 ngem napaay manen tdaytoy.
Augusto 2023 ti makapamintallo na nga mangala ti examination ket ballaygi a naipasa na daytoy.
Segun kenkuana awan ti nalaka a board exam,isu nga ipamaysa na ti agreview, inaramid na nga inspirasyon ti pamilya ken kakabagyan tapno maipasa na ti nasao nga examination.
Innayon pay ni Aldrin, saan nga nagtultuloy a nag-review isuna kalpasan ti namindua a pannakapaay daytoy ngem ketdi pinaggiddan na ti nagreview ken nagtrabaho.
Ti agdama urayen pay ni Pascua ti Oath Taking na ken aginana pay isuna sakbay na saganaan iti panagaplikar na daytoy ti trabaho.
