Nababa ti panaggastar ti Department of Education wenno DepEd kadagiti pondo a nairanta para kadagiti programana, isu nga inkeddeng ti Kongreso a kissayan ti pondo ti ahensya para inton 2025.
Segun kenni House Assistant Majority Leader ken Zambales Representative Jay Khonghun, iti sidong ti dati a sekretario ti DepEd ket nataktak ti procurement ken implementasyon ti transparency iti panaggasto ti ahensia.
Impaganetget met ni Deputy Majority Leader ken Representative Jude Acidre a naadal a naimbag ti pannakakissay ti badyet ti DepEd maibasar iti kapasidadna a mangbusbos ken mangipatungpal kadagiti programa.
Impasingked da Khonghun ken Acidre a ti sektor ti edukasion ti addaan pay laeng iti kadakkelan a gatad ti pondo iti sidong ti 2025 national budget no mapagtipon ti alokasion iti DepEd, Technical Education and Skills Development Authority (TESDA), ken Commission on Higher Education (CHED).
