Agdagup iti P3.55 trillion a buis ti nakolekta ti gobierno ita a tawen.
Segun iti Department of Finance (DOF), daytoy ti nairekord a dagup a panagkolekta iti buis agingga iti bulan ti Nobiembre, ken nangatngato daytoy iti 15% ngem iti isu met laeng a panawen idi 2023.
Kinuna ti DOF a nakakolekta ti Bureau of Internal Revenue (BIR) iti P2.67 trillion pesos, nu sadino ket immadu iti 13.9%.
Ti koleksion ti Bureau of Customs (BOC) ket dimmanon iti P850 bilion a pisos, nangatngato iti 4.7%.
Mainaig iti daytoy, manamnama a dumanon iti P3.82 trillion pesos ti dagup a koleksionda iti buis ita a tawen nga immadu iti 11.4% idi tawen 2023.
Katupag daytoy ti 14.4% ti gross domestic product.
