BR LA UNION – Inwaragawag ti Department of Justice a kasapolan nga ag-deploy iti ‘technical divers’ tapno maammuan no pudno a naitabon idiay Taal Lake dagiti 34 a napukaw a mammallot.
Segun kenni Justice Secretary Jesus Crispin Remulla, kinunana a mabalin a kasapulan dagiti technical divers tapno sapulen dagiti bangkay ken makumpirma ti imbutaktak iti maysa nga akusado a nagpabigbig kas alyas ‘Totoy’ a naitabon dagiti missing sabungeros idiay Taal Lake, Batangas.
Agtultuloy iti panagurnong ti impormasyon ti departamento para iti case buildup.
Inaklon ti sekretaryo a narigat ti mangidatag ti kaso nu saan a sibubukel ken awan pay panniguro.
Innayon pay ni Remulla a nakalukat ti opisina da iti siasinuman a makaipaay ti impormasyon a makatulong tapno maresolba iti kaso.
