Inallukoy ni Presidente Ferdinand Marcos Junior ti aganay 1,150 a nagturpos ti Technical Education and Skills Development Authority wenno TESDA idiay Ilocos Norte nga usaren dagiti naadal ken kapadasan da iti biag para iti panangpasayaat iti pagilian.
Iti mensahe na ti mass graduation idiay Laoag City, pinaregta ti presidente dagiti nagturpos a sadinoman a papanan da ket patigayonen iti gaget ken laing a nasursurwan da iti TESDA.
Segun kenni Presidente Marcos, mangnamnama iti gobierno a mausar dagiti graduates ti kapadasan da tapno dagos a makabiruk iti trabaho, maaddaan iti matgedan, ken makatulong iti kagimongan. Dinakamat na pay nga adu kadakuada iti tarigagay nga ituloy pay iti panagadal agingga kolehiyo.
Impasiguro na met nga agtaltalinaed a prayoridad ti gobierno iti edukasyon ken naannada panagusar it pondo para kadati programa a makatulong iti tunggal Pilipino.
