Namnamaen ti Technical Education and Skills Development Authority (TESDA) a makapagsanay ti agarup 600,000 aginggana 650,000 a Pilipino ita a tawen.
Maipatungpal daytoy babaen ti budget ti ahensia a dumanon ti ₱19 billion.
Segun kenni TESDA Secretary Francisco Benitez, kadakkelan daytoy a pondo a nailista iti pakasaritaan ti ahensia.
Karaman kadagiti programada ket iti near-hire training, upskilling programs, ken dagiti pagsasanay a nakapamaysa iti digital skills.
Impaganetget ti TESDA iti kinapateg ti Enterprise-Based Education and Training (EBET) iti nangato a lebel ti employability rate, a mapatta-patta nga adda iti nagbaetan ti 85% agingga 95%.
Babaen ti EBET, ad-ado a Pilipino iti maaddaan ti gundaway a makabirok ti trabaho kalpasan ti panagsanay.
Aktibo met a papigsaen ti ahensia iti pannakitinnulongda kadagiti nadumaduma nga industriya babaen ti Enterprise-Based Education and Training (EBET), panangipaay ti tax incentives, ken ti Adopt-a-School Program.###
