Ballaygi ti nagduduma a unit ti kapulisan nga indaulwan ti San Juan Philippine National Police ti pannakaarestar ti akusado ken maibilbilang a top 3 most wanted person ti municipal level ti Masantol Philippine National Police idiay Probinsya ti Pampanga.
Ti akusado ket naarestar alas 2:55 ti malem idiay Barangay, Urbiztondo,San Juan,La Union.
Nabigbig ti naarestar managan Ricardo Lugtu, 55-anyos,naasawaan,maysa a parking attendant, residente ti Lubrin Heights, Barangay 1, Syudad ti San Fernando,La Union.
Naarestar daytoy babaen ti bileg ti warrant of arrest a inpaulog ni Hon. Katherine Legarda Pajaron, Presiding Judge ti Regional Trial Court, third judicial region branch 54 ti Macabebe Pampanga gapu ti kaso a rape wenno panagrames.
Kalpasan ti pannaka-arestar daytoy ket naiturong idiay Bacnotan District Hospital tapno ipasidong ti medical examination kalpasan na naiturong met laeng idiay San Juan Police Station para ti naan-anay a disposisyon ken dokumentasyon daytoy.
