LA UNION – Arestado iti maibilang a Top 4 most wanted person ditoy syudad ti San Fernando kabayatan ti naisayangkat a manhunt operation dagiti otoridad iti Barangay 3 ditoy syudad, agarop alas 11:00 idi rabii.
Iti subject person ket nabigbig iti nagan a Melchor Apilado, 43, residente ti Barangay Dallangayan Este, San Fernando City, La Union.
Naaresto iti suspek babaen iti bileg ti warrant of arrest, napetsaan ti Sept. 17, 2013 nga impaulog ni Judge Alpino Florendo ti RTC Br 30 ditoy syudad, gaputi kaso a 2 counts of rape.
Ni Apilado ket nakabalud itan iti San Fernando City Jail ken awan ti nairekomenda a piyansa gaputa unbailable ti kaso daytoy a panagrames.
