LA UNION – Nangisayangkat ti inspection wenno binisita dagiti Tourism Officers ditoy La Union dagiti dadduma pay a tourism sites ditoy probinsiya tapno pormal nga aramiden a tourists spot dagitoy, a mabalin a pagpasyaran dagiti lokal ken gangannaet a turista.
Kadwa ti Sangguniang Panlalawigan Committee on Tourism ken tourism officers kadagiti maseknan nga ili, iti DPWH iti umuna ken maikadwa a distrito ti La Union, a nangisayangkat ti ocular inspections kadagiti tourism sites a kas iti Simminublan Falls and Bilagan Road idiay Santol; Bangar Weaving Industry, Kamay na Bato idiay Luna; Immuki Island ken Man-made Forest idiay Balaoan; Bacnotan Agri-Tourism Center; Bauang Bakawan Eco-Park; Salapak Tunnel idiay Aringay; Tapuakan River ken El Anniversario Cultural Museum idiay Pugo; ken idiay Agoo Eco-park.
Nairanta ti inspeksiyon tapno kitaen ken adalen nu anya pay dagiti posible a maaramid a development sakbay a pormal a maaramid dagitoy a tourism sites, kas nakailanad iti singasing a Provincial Ordinance No. 356-2021 wenno “Officially Naming the La Union Tourism Sites and Installing Markers thereof”
Paset iti panangadal dagiti tourism officers, iti mabalin a pakabenipisyaran dagiti residente nga agnanaed kadagiti nasao a lugar ken dagiti pamay-an tapno makaallokoy iti ad-adu pay a turista nga agpasyar kadagiti nasao a tourists spot.
