Pimmartak iti Tropical Depression Wilma bayat nga adda idiay Calbayog city Samar.
Nasaripatpatan iti sentro ti Tropical Depression WILMA iti bisinidad ti Calbayog City, Samar.
Kabuyog na iti angin a 45km/h asideg ti sentro ken kapegges a dumanon ti 75km/h.
Dupdupagen na iti laud abagatan a laud a direksyon iti kapartak a 15km/h.
Maibasar iti Tropical Cyclone Bulletin #20 ti PAGASA, sumagmamano a lugar iti Luzon ken Visayas ket nakapaisidong ti Tropical Tropical Cyclone Wind Signal no. 1.
Luzon
-Sorsogon
-Masbate karaman iti Ticao ken Burias Islands
-Romblon
-Southern portion ti Oriental Mindoro
-Southern portion ti Occidental Mindoro
-Northernmost portion ti Palawan, karaman iti Cuyo, ken Calamian Islands
Visayas
-Northern Samar
-Northern ken central portions ti Eastern Samar
-Northern ken central portions ti Samar
-Biliran
-Northern portion ti Leyte
-Northern portion ti Cebu karaman ti Bantayan Islands
-Northern portion ti Negros Occidental
-Central ken eastern portions of Iloilo
-Capiz
-Aklan
-Northern ken central portions ti Antique, karaman iti Caluya Islands
Maibasar iti forecast track ti PAGASA iti sentro ti Wilma ket agtultuloy a dumalan iti Southern Luzon ken Visayas, ken agtalinaed kas tropical depression ken posible nga agbalin nga LPA inton makadanon idiay West Philippine Sea.
Kabayatanna, para iti daily weather forecast ti state weather bureau, mangipaay ti panagtudo ken angn iti bagyo idiay Eastern Visayas, Western Visayas, Occidental Mindoro, Oriental Mindoro, Romblon, Sorsogon, ken Masbate. Bayat nga apagapaman agingga nalulem a tangatang ken mapatto-pattok a panagtudo ken panagguruod idiay Palawan ken nabatbati a paset ti Visayas.
Iti kapada a paniempo ket igubuay ti Shearline idiay Metro Manila, CALABARZON, Marinduque, ken ti nabatbati a paset ti Bicol Region,
Apektaran met ti Northeast Monsoon dagiti lugar ti Cagayan Valley, Cordillera Administrative Region, Central Luzon, ken Ilocos Region a makapasar ti nalulem, panagarbis, wenno panagtudo iti agmalem.
Idiay Mindanao, agtultuloy a mangiyeg ti panagarbis ken panagguruod iti Localized Thunderstorms.#
