Kumidkiddawen iti tulong ti Department of Environment and Natural Resources (DENR) ti pribado a sektor, nangruna ti industria ti panagminas, para iti relief and rescue efforts ti gobierno iti kallabes a bagyo.
Segun kenni DENR Secretary Maria Antonia Yulo Loyzaga, dagiti adda iti industria ti panagminas ket addaan iti dadakkel a technical equipment.
Kinunana pay nga umdas ti manpower ti industria ti panagminas tapno makabael a mangisayangkat kadagiti rescue efforts.
Indatag daitoy ti Sekretario kenni Presidente Ferdinand Marcos Jr. iti tengnga ti napaay a panagresponde ken recovery efforts ti gobierno a gapuanan ni Bagyo Kristine.
