Kayat pay umuna ni Presidente Ferdinand Marcos Junior nga adalen ti P200 across the board minimum wage increase kadagiti pribado a mangmangged.
Kinunana nga addanto sumagmamano nga epekto ti kasta a singasing kas iti panagngato ti presio dagiti tagilako ken ti serbisio.
Bay-anna paylaeng a tingitingen dayta iti tripartite board nga isu ti mangikeddeng iti panagngato ti pasuweldo.
Adu a babassit a negosiante a kas kadagiti makinkukua kadagiti nadumaduma a tiendaan ken karinderya ti agririri no dadduma kadagiti empleadoda ti mapangato iti tangdanda.
Impaganetget na a mangsarak ti gobierno iti solusion isu a makipagtrabaho isunan kadagiti nadumaduma nga ahensia.
Maipalagip a kayat ti House of Representatives nga i-certify as urgent ni Presidente Marcos ti P200 across the board daily wage increase kalpasan nga ipasa da daitoy.
