Ad-adda pay a pimmigsa ken pimmartak iti Typhoon Francisco bayat ti panagdalyasat na iti Philippine Sea.
Maibasar iti latest Tropical Cyclone Bulletin #6 ti PAGASA, naudi a nasaripatpatan iti sentro ti bagyo iti kaadayo a 715 km Daya ti Tuguegarao City, Cagayan.
Kabuyog na iti kapigsa ti angin nga 140 km/h asideg ti tengnga ken kapegges nga angingga 170 km/h.
Dupdupagen na iti Laud Amianan-a-Laud iti kapaspas a 30 km/h.
Iti agdama, nakapasidong ti Signal No. 1 dagiti sumagmamano a lugar ditoy Luzon, partikular idiay Batanes, amianan-a-daya a paset ti Cagayan karaman iti makindaya a paset ti Babuyan Islands.
Iti forecast track, mabalin nga agtalinaed ti bagyo iti Philippine Sea iti nabatbati a forecast period, ngem saan a maikkat iti posibilidad nga umasideg daytoy iti Northern Luzon gapu ti manamnama a panagpa-laud daytoy.
Agturong met iti bagyo iti laud amianan-a-laud aginggana inton bigat, Hunio 23. Kalpasan na, bumuntog daytoy sakbay a rumuar iti Philippine Area of Responsibility (PAR) inton Biernes, Hunyo 26.
Pumigsa pay iti Typhoon Francisco ken posible a madanon iti peak intensity inton bigat sakbay ti manamnama a panagkapsut na.
Iti sabali a bangir, makapadas ti nalulem a tangatang, mawaraswaras a panagtudo ken panagguruod dagiti lugar idiay Visayas, Mindanao, ken Palawan gapu ti agraraira a Southwest Monsoon wenno Habagat.
Bayat a panagarbis iti igubuay ti Localized Thunderstorms idiay Metro Manila ken ti nabatbati a paset ti Luzon.
SUNRISE: 5:26 AM
SUNSET: 6:33 PM
