BR LA UNION – Napaay manen nga agtinnunos iti Ukraine ken Russia para iti ceasefire wenno tigil-putukan iti maikadwa a round ti direct talks.
Iti laeng napagnumwan ti agsumbangir a benneg ket iti panag-sinnukat da ti ad-adu pay a war prisoners kabilang dagiti addaan ti sakit ken nakaru a pannakasugat, agraman dagiti agtawen ti 25 nga agpababa.
Segun kadagiti Ukrainian negotiators, kinontra ti Russia iti full ken unconditional ceasefire iti uneg ti 30 nga aldaw a kangrunaan a demand ti Ukraine ken dagiti kaalyado a pagilian iti Europa ken Amerika, ngem nagkari dagitoy nga isubli iti bangkay dagiti 12,000 a suldado a natay iti giyera.
Iti biang ti Russia, insingasing da iti dua wenno tallo nga aldaw a tigil-putukan iti sumagmamano a lugar iti front line ngem saanen a nangipaay ti kanayunan a detalye.
Nagpaut ti nasao a direct talks iti baetan dagiti negotiator ti Ukraine ken Russia, ti nasurok maysa nga oras a naisayangkat iti kabisera ti Turkey nga Istanbul.
