LA UNION – Nangiruar ti pammaneknek iti Ukraine Center for Strategic Communications and Information Security ti maysa video a mangipakpakita iti presensiya dagiti suldado manipud North Korea a mangal-ala ti military fatigue uniforms iti uneg ti maysa a Russian military base.
Segun kenni Ukraine Center for Strategic Communications and Information Security Ihor Solovey, naala da ti nasao a video manipud iti bukod da a sources isunga saan a mabalin nga iditalye ti nasao a video.
Malaksid kadagiti mait-ited nga uniporme, maiyaw-awatan pay dagitoy ti armas.
Impaganetget ni Solovey a napateg nga adda iti nakalap da nga impomasyon a mangpaneknek a makipas-paset ti North Korea iti giyera nga awan pakainaigan kadakuada.
Segun met iti military intelligence ti Ukraine a ni Kyrylo Budanov, mapatta-patta nga aganay 11,000 nga North Korean soldiers iti maipas-pasidong iti training idiay amianan a paset ti Russia.
Aganay 2,600 ditoy ket maipatulod iti Kursk region idiay Russia.
Aminado met ni Solovey a dackel a karit iti dackel a bilang dagiti suldado nga ipatulod ti Russia iti giyera agsipudta agkasapolan dagitoy iti kanayunan nga armas.
Segun iti Ukrainian official kasapolan da iti napipigsa nga armas tapno maabak iti kampo ti Russia ken North Korea.
Maipalagip a naaddaan ti katulagan iti Russia ken North Korea para iti maysa nga strategic partnership partikular iti military assistance.
