BR LA UNION – Nabukelen kas tropical depression ti sigud a low pressure area (LPA) idiay daya ti Davao City itay agsapa ket maawagan ti bagyo Ada, segun iti state weather bureau.
Kabuyog ti bagyo ti kapigsa ti angin nga umabot iti 45 a kilometro kada oras ken kapegges agingga 55 kilometro kada oras.
Namnamaen a makaapektar ti bagyo idiay Bicol Region, Eastern Visayas, ken daya a paset ti Central ken Northern Luzon iti sumaganad nga aldaw.
Saan met nga ikkaten ti state weather bureau iti posibilidad nga ag-landfall ti bagyo bayat nga agtrong iti pa-amianan-a-laud.
Inton Biyernes ken Sabado, posible nga umasideg ti bagyo iti kadagaan ti pagilian.
Gaputi dayta, napalagipan ti publiko nga agsagana kontra iti posible a napigsa a panagtudo, panaglayos, ken panagregga-ay ti daga.
