LA UNION – Natiliw dagiti uppat a indibidual kalpasan ti naiwayat a anti illegal gambling operation idiay Barangay Santiago Norte,Caba,La Union.
Dagiti natiliw ket pakaibilangan ti 22 anyos ken tallo pay nga minor de edad, agpapada a residente ti nadakamat nga ili.
Naduktalan dagiti otoridad a aga-ayam dagitoy ti sugal a pusoy, Naala kadakuada ti maysa set a braha ken bet money nga aggatad iti 1,020 pesos ti nagduduma a denominasion.
Kalpasan ti operasyon naiturong dagiti natiliw idiay Caba Police Station para iti naan-anay a disposisyon.
