Posible nga ituloy ti Estados Unidos ket Iran iti negosasion para ti kappia kalpasan a mapaay iti napalabas a round ti katulagan a nairanta a manggibos iti tension idiay Strait of Hormuz, ngem awan pay ti naikeddeng a petsa para iti saritaan.
Iti laksid ti tension, nadlaw nga apagapam a bimmaba iti presio ti langis iti sangalubongan a merkado kalpasan iti indikasion nga agtultuloy ti diplomatic talks.
Immunan a nangipatungpal ti Estados Unidos ti blockade kadagiti pantalan ti Iran a kas sungbat iti pannakaserra ti Strait of Hormuz, ti kangrunaan a dalan para ti dandani 20% ti global oil supply.
Segun ti U.S. Central Command, nasurok 10,000 a soldado, warships, ken aircraft ti adda iti rehion tapno mausar iti planoda nga operasion.
Iti umuna a 24 nga oras, awan ti barko a nakalusot iti blockade, bayat a sumagmamano a merchant vessels iti napilitan nga agsubli kadagiti sangladan ti Iran.
Nagpakdaar ti Iran a mabalinda a puntiriaen dagiti barko ti Amerika ken dagiti kaalyado daytoy no agtultuloy iti operasion – nga inawaganna a maysa a “piracy.”
Iti tengnga ti krisis, nagpakdaar met ti International Monetary Fund a mabalin nga agpeggad ti sangalubongan nga ekonomia ken posible nga agtennag iti recession ti ekonomia no agtultuloy ti gubat ken nangato a presio ti krudo.
Iti laksid ti kimmaro a tension ken pangta ti kinaranggas, agtalinaed a silulukat dagiti diplomatic channels iti nagbaetan ti Estados Unidos ken Iran, ket manamnama nga agtultuloy ti backchannel talks kadagiti sumaganad nga aldaw.
Kabayatanna, nagkedked dagiti kaalyado ti America iti NATO a kas iti Britania ken Francia a makikadua iti blockade, nupay makuna a nakasaganada a tumulong a mangsalaknib iti Strait of Hormuz babaen laeng iti multilateral mission.###
