LA UNION – Tarigagay iti Pilipinas a makagatang ti US-made Typhon missile launcher kas paset iti panang-palawa ti istratehiya tapno papigsaen pay iti external defense capabilities daytoy.
Nagbalin a kontrobersyal iti deployment ti Typhon mid-range kalpasan a nagpanawagan iti Russia ken China iti US ken Pilipinas nga ikkaten wenno isubli dagiti nasao a missile.
Iti Typhon ket maysa a land-based, ground-launched system, nga addaan kabaelan a mangpatayab iti maysa nga Standard Missile 6 (SM-6) ken Tomahawk Land Attack Missile iti kaadayu a nasurok 240km (wenno 150 miles) ken 2,500km (wenno 1,550 miles), wenno kaibatugan iti distansiya ti South China Sea ken Taiwan Strait.
Maipalagip a ti nasao a Typhon launcher ket in-deploy ti US Army iti Northern Luzon idi Abril kas paset ti joint training exercise, nga agingga ita ket maipagarop nga adda pay laeng a naka-istasyon iti nasao a lugar, tapno agbalin a pamilyar ti tropa ti pagilian iti panangusar ti Typhon missile.
Immuna metten a tinakderan ni US Indo-Pacific Commander Admiral Samuel Paparo a ti deployment ti Typhon mid-range capability (MRC) missile system ditoy Pilipinas ket para iti serye ti military exercises iti baetan ti US ken Philippine Military.
Kabayatanna, segun met kenni AFP Chief of Staff Gen. Romeo Brawner Jr., iti panangipalubos ti deployment ti missile system ditoy Pilipinas ket iti tarigagay ti puwersa armada ti pagilian a pagbalinen a moderno dagiti weapon system, kabilang iti kontrobersyal a Typhon mid-range capability (MRC) missile system.
Kinuna met iti sigud a Navy Officer ken agdama a political-science professor a ni Sherwin Ona, iti nasao a missile system ket possible a paset iti US$500 million security assistance package ti US para iti Pilipinas a naiyanunsiyo idi Hulyo agdama a tawen.
